نشر أحد الأطباء بالجهة تدوينة يصف فيها الوضع الوبائي الخطير التي تشهده ولاية المهدية وقسم الاستعجالي بالمستشفى الجامعي الطاهر صفر :
🔴 لم أعد أجد الكلمات لوصف الحالة الكارثية الي وصللها استعجالي المهدية 😷😲 نسبة المقيمين وصلت 100٪ كوفيد و لا شيء غير كوفيد.. طاقة استعاب وصلت 300٪ مما جعلنا لاستخدام كامل غرف الاستعجالي بخلاف وحدة الكوفيد.. شيء مؤسف لبارح وصلو ماتو 6 بالكوفيد.... 6 عاإلات سوف تتألم من فراق اعز الناس.. مؤسف جداً كتراهم يموتو قدامك واحد ورا واحد وما تنجم كان تشهدلو و تدعيلو باعد بالرحمة 😭 علاش خاتر ملقيناش باش نسعفوه في وقت كان يحتاج بلاصة في الانعاش... 14 فرش انعاش بربي لشكون في نسبة توصل ل 500 مصاب على 100000 ساكن... في هذا كل مسؤولين يلوجو كان في مصالحهم و عاملين مولا الدار مش هوني... والبعض الآخر يرفضو العمل في قسم الكوفيد الجديد، بربي باش نقلهم رانا حتى نحنا عباد الي نخدمو في الاستعجالي و عنا عايلة و عباد نحبوهم و نخافو عليهم.. لازمنا ناقفو لبلادنا ويد وحدة 💪.. ناقفو باللي نجمو و لبقية على ربي... نحب بل حق نقدم تحية خاصة لأطار الشبه الطبي و طبي لاستعجالي مهدية و بل اخص إلي قاعدين يخدمو بقلب و رب في ضروف مايحسها كان الي يخدمو فيها.. نحب نقول زادة استحفضوا على رواحكم و رواح لعزاز عليكم 💕 راهو وقت الي يمرضلك حد عزيز عليك وقتها تو تحس وتقول ياليتني وتندم وقت الي يفوت الفوت في وقت اللي لعباد ماعادش هامها شي... نعرف ربي يستر أما احمي روحك ولي دايرين بيك بأبصط حاجات... نحن لن نستسلم 💪مهما كانت الظروف وربي يوفقنا 🤲 وربي يسترنا و يستركم🤲 وربي يرحم موتانا وموتى الجميع 🤲
