على خطى واقعة العروس " لمياء " التي تخلى عنها زوجها ليلة الفرح .. إنتشرت على وسائل التواصل الاجتماعي تدوينة لمواطنة عاشت نفس التجربة حيث تخلى عليها زوجها ليلة الزفاف بسبب تهديد والدته : " أمي قالت يا أنا يا هي " نص التدوينة :
نفس السيناريو قاعد يتعاود 😭
اليوم يا سيدك عنا ضحية ثانية اللي يخلاها راجلها نهار عرسها ولات موضة
هذه طفلة من مدينة بوعرقوب من ولاية نابل كيف كل بنية حضرت لعرسها وعملت الحمام والحنة وكتبان الصداق ونهارت الكسوة جاو اهل العريس صارت مشكلة صغيرة بين العائلات على العشاء اللي هيا ام العريس مزروبة تحب تعشي اهلها قبل العباد اللي جاية للفرح وهذا الكل العروسة في الحجامة تغششوا هزوا رواحهم وروحوا ومن غدوة عملولوا حنة مصارتش وامو تشطح وتزغرط كأنه مصار شيئ
جات نهارت العرس والعريس يكلم في مرطوا قلها امشي للحجامة وبعثلها الفلوس كأنه مصار شيئ مشات للحجامة مكيجت ولبست روبتها وروحت لدارهم على اساس تستنا في راجلها باش يجي يروح بيها ياخي جاء هوا واموا وقفوا بعاد على الدار قريب3 كلم وبعثلها 10 رجال باش يجيبوها ياخي بوها وخوها قالولها متخرج كان مع راجلك
راجلها محبش يدخل للدار باش يهز مرطوا ياخي هزت روحها ومشاتلوا وقتلوا علاش تبعثي في الرجال غريبة تهزني وفي الطريق من قوة الصدمة داخت هزوها للمصحة رماها في الكلينيك وهز روحوا وروح وسكر علاها تليفونوا ومن غدوة كلمها قالها راهوا امي قالت العروسة معملتش معانا الخايب لكن تتحمل غلطة دارهم وراو خيروني بينك وبين امي وانا اخترت امي...
اليوم وداد حالتها تاعبة في الكلينيك في جرت شبه راجل يدعى اسلام الشيخ من بوفيشة
العباد الكل نحبكم تاقفوا معاها وناخذولها حقها وكل انسان يحط روحوا في بقعة الوليه هاذي 😭😭😭
