تصدر خلال الساعات القليلة الماضية اسم الفنانة المصرية شيرين عبد الوهاب على مواقع التواصل الاجتماعي، بعد أنباء تعرضها للضرب على يد شقيقها، وإجبارها على الدخول لإحدى المستشفيات دون إرادتها.
في المقابل، أكد شقيقها، محمد عبد الوهاب، على أنها تتعرض لعصابة وأن طليقها الفنان حسام حبيب يعمل على تدميرها، على حد قوله.
وقال محمد عبد الوهاب في تصريحات تلفزيونية: "أختي بتتعرض لعصابة، حاطين برنامج تجسس على الموبايل، وواحدة صاحبها جابتلها شيخة، والشيخة دي بتاخد آلافات، وأنا مش هسيب أختي غير لما أرجعها لجمهورها وأهلها، لازم تقفوا جنبنا، الولد ده عنده وسايط وبيهددنا، وياسر قنطوش رفع عليا قضية امبارح وأنا مدخل أختي المستشفى بقالي 3 أيام، فين نقابة المحامين يقولوا إنت مين قالك ترفع القضية دي؟ دي عصابة".
كما أكد أنه لم يعتد عليها بالضرب كما أشيع، قائلا: "والله الحكاية معقدة، أنا دلوقتي أختي بتتعرض لعصابة حسام حبيب وسارة الطباخ، أختي بتضيع وبتنهار، أنا مضربتهاش ولا اعتديت عليها".
وتابع شقيق شيرين عبد الوهاب: "الأستاذ حسام حبيب رجع لشيرين من حوالي أسبوع، جابولها العربية بتوكيل وهي اتنازلت عن القواضي، وهو متنازلش، وضحكوا عليها، ورجعوا لبعض وبيتكلموا على الواتساب، وهي لسة مأجرة شقة في التجمع، هي دي الشقة اللي جبتها منها، لأنهم بيتعاطوا مخدرات حسام وشيرين، والنيابة العامة بتحقق مع المستشفى اللي شيرين فيها، وهما اللي فضحوها، أنا مضربتهاش، وموضوع المخدرات بقاله كتير، وماما هي اللي كانت بتخليني أسكت، وباست على رجلي وقالتلي انقذ أختك من حسام.
