إبن قصور الساف الصحفي حسام غراد يرد على تصريحات آمال علوان

إبن قصور الساف " الصحفي حسام غراد " يرد على تصريحات آمال علوان

نشر " الصحفي حسام غراد " تدوينة على مواقع التواصل الاجتماعي ردا على تصريحات " آمال علوان " | نص التدوينة :

مدام امال الدماغ شهرت علوان في حوار على IFM قالت اللي هيا في صغرها تعبت كي بعدت عالمدينة (بنزرت) و مشات سكنت في الريف (قصور الساف) 

يا مدام نحب نقلك اللي قصور الساف ماهياش ريف (مع اعتزازي بكل ارياف تونس) و اللي هيا احتفلت عمناوال بمائوية بلديتها ، يا مدام قصور الساف هيا اكبر معتمدية في ولاية المهدية ، يا مدام أنت و رشدي تعلمتو ابجديات الفن في نواديها للموسيقى و المسرح ، يا مدام كي واحد يحكي على بلادو يا يقدمها في احلى حلة و ألا عالأقل يعطيها حقها و ألا  ما يجبدهاش على لسانو خير .

أقول هذا و أنا لا تولدت فيها و لا عشت فيها و ساعات نقعد بالعام ما نمشيلهاش ...أما جذوري غادي أرضي و أرض بابا و أرض أجدادي و أرض أولادي و اولادهم كان حب ربي

أحب مدينة قصور الساف و أعشق قرية سلقطة و أهيم بريف المزوق و الحريڨة 

حسام بن محمد بن حسين الأصفر الغراد