ضمن الدورة 46 لمهرجان ليالي المهدية الدولي أحيى الفنان زياد غرسة حفلا فنيا ناجحا فنيا وجماهريا .. و هذه كانت أبرز تصريحاته :
✔ فرحة كبيرة اليوم في مهرجان المهدية بين جمهور من ذهب
✔ التأخير في بداية السهرة خارج عن نطاقي و نطاق شركة الإنتاج .. و الجمهور كان متفهّم .. و بالمحبّة كل شي يتعدّى
✔ جمهور زياد غرسة كل يوم مرة يتجدّد و الشريحة تتنوّع .. و هذه أسباب نجاح عرض اليوم في مهرجان المهدية
✔ عندي سنوات نشتغل مع فرقتي و كل مرّة نطوّروا في الحبكة الركحية بالحسابات و الخدمة الجدّية
✔ شيخة كبيرة كي نذكر إسم " الهادي حبوبة " و أقلّ حاجة انجّم نعملها آني نذكروا في غناية " روّح من السوق عمّار " رغم اللّي غنّيناها مع بعضنا
✔ عندي 3 أغاني جدد لكن طلعت خايف من ردّة فعل الجمهور بعد التأخير اللّي صار و ما حبّيتش نغنيهم خفت لا نطلع أنا خاسر
✔ صوّرت 6 كليبات خرجوا 2 و مازال 4 تشوفوهم على الـيوتيوب قريبا
✔ كان فمّة فنان من جيل الشباب الصاعد يعطي إضافة مشتركة و ممتازة .. مستعدّ نعمل معاه أغنية ديو
✔ شكرا جمهور المهدية نحبكم برشا و إن شاء الله نجتمع في سهرات قادمة
