نشر التلميذ فراس الذي يدرس بمعهد إبن سينا بالمهدية تدوينة على الفيسبوك كشف فيها " طرده نهائيا من المعهد " بدون سبب وفق قوله .. نص التدوينة :
في سابقة خطيرة و الاولى يمكن تصنيفها في المجال التربوي المدرسي ، يتم طردي نهائي من المعهد بسبب إشكال لا دخل لي فيه ، و المحكمة أعطت رأيها المبدئي و أطلقت سراحي بعد سماع الشهود و التحقيق ، و لكن اليوم إدارة المعهد نصبت نفسها محكمة و أخذت نصابها و فرصتها في التتبع الجزائي ضدي و كأنها مخولة بالحق العام في تجاوز صارخ للقانون و السلطات ! ناقص كان تعملولها مكتب عدلي الإدارة و كهو .... مجلس تأديب يحاكمني و يقولها و كل الكلام مسجل " أخوك لا يدرس عندنا و لكن سنحاكمك أنت و برا إشكي بينا المحاكم قدامك ". يظهر لي أكثر من هكا ماعادش فيها ... وين الوزارة و سلطة الإشراف من هذا ؟ أقسم أنني سأجعلها قضية رأي عام و سأذهب نحو القضاء و أعلم علم اليقين أن القضاء سيمنحني الحق اللازم و لن أسكت على حقي مهما كان المصير الذي ينتظرني و الباك باش نعديه باش نعديه ... قالى تعالى {وَيَمْكُرُونَ وَيَمْكُرُ اللَّهُ ۖ وَاللَّهُ خَيْرُ الْمَاكِرِينَ} صدق الله العظيم
و تفاعل رواد التواصل الإجتماعي مع هذه الواقعة .. إليكم تدوينة " أسامة فرحات " :
هيا شدو عندكم ماو نحنا دولة القانون و المؤسسات نقصد المحاسبات ..." فراس " تلميذ باكالوريا يصيرلو مشكل يتوقف نهارين المحكمة تخلي سبيله وإدارة معهد "ابن سينا المهدية" تحكم عليه بالطرد النهائي !! الادارة الي من المفروض وظيفتها التيسير و المساعدة و التنظيم اليوم تتلخص وظيفتها فقط في التأديب بل التحطيم ... شاب ناشط في المجتمع المدني و الناس الكل تشهد بدماثة أخلاقه و تربيته تصيرلو مشكل خارج اطار المؤسسة و ليس لها الحق في التدخل !! بل المعنين بالأمر فقط مطالبون بالتتبع ! و المحكمة كانت خذات قرارها بإنصافه ! عمرك لا تنجم تصلح شاب بطرده ! هاك طردتو هكا ربيتو ... صلحتو ؟ السنة باك يعني يخسر عامو جرت قراراتكم اللا مسوؤلة ... ما قامت به ادارة المعهد تعسف كلي على حقوق التلاميذ ووجب على سلطة الإشراف التدخل و اصلاح الخور الحاصل !
