وثّق الناشط بالمجتمع المدني " صادق سقا " عادة أسبوعية يقوم بها أغلب سكان ولاية المهدية بتخصيص يوم الخميس لزيارة القبور و تلاوة القرآن على المتوفين .. نص التدوينة :
هكذا هي المهدية عشية كل يوم خميس
على صوت البحر وسط النسمة الصافية و الريح الهادئة
إلي يقرا في القرآن إلي يدعي إلي يبكي إلي خذاه الشوق لعبد عزيز عليه غاب عليه خلاه وحده في الدنيا
نلقى برشا نساء و رجال كبار كل حد قدام قبر عينيه فائضة بالدموع يدعي يدعي، مشيت جلست بحذى مرا كبيرة نواسيفيها و نقللها إلي ربي باش يتقبلنا برحمته
وقت تشوف المرا تدعيلك بالخير و تتبسم تفرح علخر و بعد تهز روحك تمشي تقعد بحذا عائلة, تدعي معاهم سواء تعرفهم و إلا ما تعرفهمش حاجة ياسر محلاها
الرحمة و لينة القلب
برشة عادات و تقاليد مدينة المهدية ميزالت موجودة
الله يرحم موتانا و يتقبلهم برحمته و مغفرته
كل من ليه عبد عزيز عليه قصد الطريق و مشا لربي نحب نقلوا ماكش وحدك تدعي أني معاك ندعي بالرحمة
