أثارت الكاتبة التونسية ، خولة حسني ، إعجاب التونسيين وتفاعلهم بعد ارتدائها لفتسان أخضر يوم زفافها .
وتحدث خولة حسني ، في تدوينة عن زواجها بحبيبها بطريقة بسيطة ومتواضعة دون تكاليف، ولم ترتدي خولة فستان الزفاف الابيض ولم تحتفل في قاعة أفراح، بل اختارت ارتداء فستان عادي أخضر اللون واكتفت بعقد القران بحضور المقربين منهما، وهذا ما نشرته :
عرّست شهر لتالي.. خذيت الراجل الي حبيتو ولقيت راحتي معاه وربي يدوّم عشرتنا. بكل بساطة.
عرّست بالرّوبة الي مصوّرة بيها، خاطرها مزيانة وبسيطة وباش تبدا خضرا ورانا وقدامنا، وسبادري أبيض نحبو خاطرو نظيف ومرتاح وكوول. بكل بساطة.
عرّست من غير حسّ وزازا وصالة وناس وتحضيرات وعرك ومعروك وكريان وشريان وخوماضة زرقة. كتبت صداقي في هدوء وسلام ومحبة وضحك وبحضور ناس يتعدو على صوابع اليد…وتعدّيت ديراكت من غادي للقاء عمل ما نجّمتش نأجّلو. موش على خاطرني “واااو” و”إين” ونحبّ ندزّ فازتي، أما على خاطر هكة أنا نسعد ونرتاح ونفرح. بكل بساطة.
ما ثمّاش عرس خير من خوه. ثمّة الّي يسعدك انت، ويرتّحك انت، والي عندو شهوة يديرها في عشاه. بكلّ بساطة.
سنين دايمة يا جماعة وكل عام وانتوما فرحانين ومرتاحين ومتصالحين مع رواحكم يااااااا ربي..''
و خولة حسني ، هي كاتبة روائية شابة متخرجة من المعهد العالي للغات بتونس ومن جامعة ماين الفرنسية.
وأطلقت خولة حسني لأول مرة تونس تقنية الكتاب الصوتي.
