أميمة يعيش تلميذة أصيلة مدينة المهدية وهي الأولى على مستوى ولاية المهدية صاحبة أعلى معدّل في البكالوريا شعبة الرياضيات 19.20 و قد صرّحت والدة أميمة يعيش أن سر نجاح ابنتها هو حفظ القرآن الكريم منذ الصغر ساعدها ذلك على تقوية الذاكرة و الحفظ السريع .
و كتبت التلميذة النجيبة " أميمة يعيش " على صفحتها الرسمية على الفيسبوك رسالة تحفيزية لتلاميذ دورة المراقبة و الراسبين في إمتحان البكالوريا : " مبارك نجاحي و نجاح أصحابي و أحبابي .. هذي البداية و مزال مزال و طريقنا طويل و هذي ماهي الا خطوة أولى.. أما اليوم مش بش نحكي كان على الناجحين في امتحان البكالوريا.. بش نحكي على الناجحين في اختبار اصعب ببرشا.. بش نحكي على المنتصرين أمام ال contrôle و ال refusé .. بش نحكي حكاية طفلة أصيلة القيروان اتصلت بيا اليوم و قتلي أميمة انا مع الاسف ما نجحتش السنة اما نحبك تنصحني و توجهني بش ننجح العام الجاي و نقلعها ب mention très bien .. و انا ما نكذبش عليكم كنت متفاجئة كيفاش البارح برك قرات ميساج صدمها و مع ذلك اتصلت بيا و بدات تحارب من تو و تخمم في الجاي.. هنا فهمت الي الطفلة هذي ايمانها في ربي و ثقتها في روحها اقوى من هذا الابتلاء .. بعد ما قالتلي العام الجاي بش نجيك و نقلك يا أميمة راني نجحت و علاش لا تراني ان شاء الله في الإذاعة و تفرحلي كيما فرحتلك عرفتها في اللحظة هاكي بش توصل و العام الجاي بقدرة ربي بش نفرّحكم بيها و نبشركم بنجاحها.. برشا ناس قالت أميمة قدوة و أميمة مثال يحتذى به.. هذا فخر و شرف كبير ليا.. و أنا هنا بش نقلكم راهو صديقتي المحاربة و المجاهدة سرورة هي زادة مثال في الارادة و العزيمة.. هي تجسيد حقيقي ل"نخلق من الضعف قوة".. هي الي لازم العباد الي في حالتها ياخذوها قدوة.. نعرف الي الكلام ديما أسهل و الي ما يحس بالجمرة كان الي يعفص عليها.. أما صديقتي سارة عفصت على الجمرة وهي فرحانة..و هي كلها أمل بش تتجاوزها و تجري جري نحو نجاح باهر.. اصحابي الي تحرموا البارح من كلمة admis .. كونوا على يقين انو الجاي خير.. انكم قادرين على النجاح و التميز .. انو "لو تعلقت همة المرء بما وراء العرش لناله".. انو كان تتعلق همتكم بالنجاح والتألق راكم بش توصلوا.. ربي معاكم .. "
Oumayma Yaich
