ضمن الدورة 46 لمهرجان ليالي المهدية الدولي أحيى الفنان رؤوف ماهر حفلا فنيا ناجحا فنيا وجماهريا ..
و هذه كانت أبرز تصريحاته :
✔ الأجواء كانت رائعة في المهدية و حبّيت نعطي أكثر ما عندي .. شكرا للجمهور ان شاء الله نكون وفّقت في إرضائهم
✔ من غير الجمهور العزيز الغالي لا انجّم نطلع لا على مسرح المهدية و لا قرطاح و حتى مسرح آخر
✔ أنا تونسي للنخاع نحب بلادي شبر شبر كان نلقى نعطيها د مـ ي و محبّة الناس أمانة عندي
✔ اليوم أي بلاصة يستحقوا فيها رؤوف باش نكون ديمة معاهم خاصة في الأعمال الخيرية
✔ الإعلام التونسي يوما ما تعبّني و وجعني برشا .. لكن اليوم الوقفة متعكم و جيّتكم عزيزة و غالية و نستنى في برشا حاجات تفرّح
✔ إخترت نغني أغنية " صنديدة " خاطر يحصلي الشرف باش نغني على أمي و أختي و زوجتي و بنتي و المرأة مهمّة برشا في حياتي
✔ إذا ثمة فنان عالمي يغني بالأصالة التونسية متعنا مستعد نعمل معاه ديو و مرحبا بيه و يجي عندنا معزّز مكرّم .. و أنا باش نبقى ديمة محافظ على ستيل متاعي في الغناء
✔ أكبر مهرجان عندي هو الدعم المعنوي للناس و وقفتهم معايا خاطر من غيرهم ما انجّم نطلع على حتى مسرح
✔ شكرا جمهور المهدية نحبكم برشا و إن شاء الله نجتمع في سهرات قادمة
