اذا ماتصليش ولا مازلت مابديتش تصلي ...
علاه ؟
شنوة بينك وبين ربي باش ماتصليش ؟؟؟؟؟؟؟؟؟؟؟
مكش مقتنع مثلا ؟ مكش مؤمن ؟ مانتصورش ...
ولا خايف تصلي وتقص ؟
علاه تخمم انك باش تقص قبل ماتبدى ...
وكان قصيت، ارجع وارجع وارجع ...
صلة بينك وبين ربي وتقصها ؟
حتى كان البخل، الشيطان، التعب، الوقت ... كلهم ضدك ، ولا انت ماشي في بالك ضدك وماتخلطش ، ابدى واغلبهم ...
صلي ... راو ماهاش حاجة اضافية باش تعملها ... راهي حاجة اساسية والاولى ...
صلي واربح روحك و بركة وقتك وبركة اعمالك ...
الاذان نقدروه موش كي نقصو الغناء وقت الي يأذن ... بل كي نلبي نداء المؤذن وقت الي يقول " حي على الصلاة ... حي على الفلاح " ...
صلي راي اول حاجة تتسال عنها ...
صلي راهو مايتعدى حتى خير وباهي الا بالصلاة ...
صلي ...
ممكن هذه اشارة حطها ربي قدامك باش تبدى تووو ...
ربي هاديك، مدام تسمع في الاذان وفي قلبك تحب تبدى، وعرضك الكلام هذا ... يعني ربي هاديك ... اما لازمك انت تتوفق للهداية ...
صلي ... ❤️
©️
بقلم فادي حمزة
