من غير ما تسأل إذا أصلها تركية وإلاّ رومانية، العيد ما يتسمّى عيد كان بالشرمولة الصفاقسيّة، هكة جرات العادة، وقبل المعايدة لازمك صحيّن من هالماكلة التقليدية، أي وزعمة شنوة الشرمولة الصفاقسيّة ؟
* المقادير :
1 طرف قشور ليمون
1/2 مغرفة كبيرة فلفل أحمر حلو
500 غرام بصل
500 غرام زبيب
1/2 لتر زيت زيتون
1 مغرفة كبيرة خلّ
1 مغرفة صغيرة كمون
1 طرف عود قرنفل
1 مغرفة صغيرة قرفة
1 طرف شوش ورد شايح
1/2 مغرفة كبيرة فلفل أحمر حار
1 طرف مسكتة
* طريقة التحضير :
1 - قلّي البصل في الزيت لمدّة ساعة على نار هائية
2 - ارحي الزبيب وخلطو بالماء
3 - (صفّي الزبيب بالصفاية (وإنت تصفّي، أعصر بيديك الزبيب مليح باش يولي عصير
4 - صب عصير الزبيب في الطنجرة إلّي تغلي وحركها
5 - زيد للطنجرة بقية الأفّاحات: كمون + عود قرنفل + قرفة + شوش ورد شايح + فلفل أحمر الحار والحلو + الخل + قشور الليمون + مسكنة وخليها تغلي لين تولّي صلصلة
7 - الشرمولة حضرت ما عليك كان تزين طاولتك وتستقبل العيد وسط عائلتك وصحة وبالشفاء
* نصيحة :
الشرمولة ما تطيبش في نهارها، أيام قبل العيد، وهي كل يوم تاخو غلوة لمدّة ساعة من زمان على نار هادئة، والشرمولة زادة يكون معاها صحن الحوت املّح كيما المناني، القاروص والبوري من غير ما تنساو خبز العيد
