هذه نصحية من الأخ " حمدي " يسرد لكم تجربته في إجتياز إمتحان السياقة ...
الشرح باللغة العامية التونسية .. تستطيع متابعة ركن تعليم السياقة في موقعنا ستجد عديد الشروحات والنصائح والبرامج باللغة العربية الفصحى وبشرح منسق وجميل :
الكود تنجمس تقراه وحدك عن طريق كتاب أو التطبيقات الإعلامية الموجودة في هذا الموقع (تساعدك كثيرا وهي تشبه كثيرا طريقة أسئلة ك.س.ك) اذا ما تنجمش تفهم وحدك وقتها تستعين بمدرسة تعليم السياقة و تقرا عندهم سوايع بمعلوم رمزي من 10 الى 12 دينار الساعة حسب المدرسة وهم اهل الاختصاص و سيمدونك بكل المعطيات للنجاح في الاختبار النظري (كود)
بعد ما تقرا الكود و تحس روحك فاهم الأساسيات على الأقل تذهب الى أقرب فرع يتبع وكالة النقل البري SERVICE DES MINES و قلهم أعطيوني مطلب رخصة سياقة تو يعطيوك CARNET عبارة على كتيب تحط فية اسمك و اللقب و تاريخ الولادة و العنوان و ترشم الصنف المطلوب ب مثلا و تزيد 2 صور شمسيية و نسخة من بطاقة التعريف الوطنية و في الكتيب هذا وريقة في لخر متاعو لازم يعمرها طبيب عام أو خاص و هذ هي الشهاد الطبية .
في هذه المرحلة تذهب غلى الفرع معاك carnet معمر و فيه الوثائق الى ذكرناهم تو تلقى guichet محطوط علية "التسجيل لرخصة السياقة" تقوم فقط بالتسجيل أول مرة لاجتياز الامتحان النظري بما قيمته 35 دينارا (17د معلوم اجتياز الامتحان و 18د معلوم التسجيل لاول مرة) تو السيد الي يخدم :sm-joke: يفي التسجيل يلصقلك في carnet يلصقلك ملصوقة (موش متاع بريك:sm-laugh:) فيها date تاريخ اجتيازك الامتحان باليوم و الساعة و عادة يكون بين 15 و 20 يوما حسب المطالب و حسب الشغور.
(أو تترك مدرسة التعليم تقوم بهذا الكل عوضا عنك لكن في أوا تسجيل عوض أن تدفع 35د ستدفع 50 دينار (35+15د معلوم التنقل و تعب المونيــــتووور :good:)
بتوااا م عليك كان تمشي تعدى الكود و تنزل على F1 , F2, F3 الموجودين في لوحة المفاتيح و هذوكم يمثلو الاجابات على الاسئلة أ , ب , ج بالترتيب.
في الكود لازمك تجيب 24/30 يعني 24 اجابة صحيحة من جملة 30 سؤال اذا نجحت يعطيوك شهادة في ذلك و مبروك عليك و سلكتها :good: و تمشي للمدرسة باش تتعلم تسوق و تبدى في السوايع والسياقة الفعلية و كي تتعلم تسوق تنتقل الى مرحلة اجتياز الامتحان التطبيقي .....أما اذا خمجتها و هردتها ميسالش عاود التسجيل لاجتياز الكود مقابا 17د تدفعها و عاودو يعطيوك تاريخ آخر و بالتوفيق.
ربي يوفق الجميع .. مرحبا بيكم أي استفسار نحن في خدمتكم دائما
